صور قديمة للرياض

اطلعت على موضوع الأخ محب الخير … على هذا الرابط

http://www.waraqat.net/3361

وبصراحة ما اعجبتني التعليقات على الصور

بعضها خطأ مثل وزارة الداخليه الله لا يعمينا كاتب انها وزارة الخارجية

لذلك التعليق باللون الأحمر هو ما كتبه لكم اخوكم سليمان
الرياض زمان أول 1961

قلبي تولع بالرياض *** حُبِ ورثته من الجدود

طيب مشكور مشكور

صور قديمة للرياض Ryadh_zmaan1

هذي ما علق عليها صاحبنا

ولكنها صورة لرجلين يحملان حزمتين من البرسيم

لكثرة مربي المواشي في منازلهم تلك الفترة قبل تعليب اللبن ومطرسة البنغال والهنادوة و كان البشت ضرورة

تلك الايام ولا يستغني عنه الناس عكس اليوم تلقى الشاب رايح للسوق بالشورت وللمسجد عياذا بالله

ببيجامة او قميص النوم وروائح من كل مايخطر ومالا يخطر على البال

صور قديمة للرياض Ryadh_zmaan2

محطة اليمامة هذي تقع بطريق المطار القديم وكانت تقريبا في آخر الرياض على مشارف المدينه

من جهتها الشمالية لاحقا اقيم فندق اليمامة عندها ….. اليوم سبحان الله تكاد تقول انها بالبطحاء

من قربها من مركز المدينه

صور قديمة للرياض Ryadh_zmaan3

كندادراي منافس للبيبسي في تلك الفتره

ما اخذ فتره طويله الا واغلق المصنع …قيل انه بسبب ذبابة وجدت في احدى الزجاجات

وقيل انه بسبب ان كندادراي تبيع في اسرائيل كما قيل عن الكوكاكولا… وكأن البيبسي

لا تباع في اسرائيل الغريب بقاء المقر مغلقا لسنوات زادت عن 30 سنه ولا ادري عن عدم

استغلال الموقع فقد كان في شارع الجامعه وهو شريان حيوي منذ زمن

صور قديمة للرياض Ryadh_zmaan4

دار الكتب

وياما على دار الكتب رحت واقفيت

وانا عليها كل يوم مسير>>> عاش مروس صور قديمة للرياض Smile_baringteeth

كازينو الرياض

اي والله كازينو …

يمكن اللي انشأه متأثر بسفره سفرتين للقاهرة والا لبيرووووت

وكان متعشم يجيب صباح >>> ما تقصر راعية واجب الختياره

ومن ذيك السنين والشد شغال

صور قديمة للرياض Ryadh_zmaan6

الكراجات

ايه الكراجات الملكيه

آآآآبوك يالصالون الجمسي مدري الفورد .. الا بلى فورد و(في روايتن فرت حمر) صور قديمة للرياض Smile_shades

مزعلينه لا يا بابا صور قديمة للرياض Smile_sniff

مبنى وزارة الخارجية

خارجية ايه الله لا يعمينا

يا ابني اللوحه واااااضحه وضوح شمعات ددسن توه مغيرهن صور قديمة للرياض Smile_teeth

شركة بيبسي

ايه هذي اللي ما طرى عليها تصك مثل الكندادراي

صور قديمة للرياض Ryadh_zmaan9

إحدى الشركات

لا يا شيخ !! اظنها شركة الجبس صور قديمة للرياض Smile_teeth

الاهلية يعني المساهمة ههه

ما بي حيل اضحك

صور قديمة للرياض Ryadh_zmaan10

هذي ما علق عليها صاحبنا محب الخير

لكنها سيارتون بيضاءون اظنها بويك او بالعامية بيوك والوانها ميتاليك واللمعه بالك يا ولد صور قديمة للرياض Smile_wink

بس هاااه انتبهو ترى مهوب انا اللي جنب العمود يطالع في المصور صور قديمة للرياض Smile_angel

وهذي بعد ما علق عليها رفيقنا

ولكنها لسيارة خلفيتها تقول قطو توّه قايمن من النوووم على صوت واحد يكب زبالته صور قديمة للرياض Smile_sick

ياسلااااااااام يحتفل ويرقص اذا جاه باليوم واحد اثنين يعبون بنزين

مهو مثل اليوم الشباب دوران بالشوارع

صور قديمة للرياض Ryadh_zmaan13

ما ادري وين هالصورة ولكنها لجهة حكومية او قصر من المدخل يمين

صور قديمة للرياض Ryadh_zmaan14

وخر بس وخر توه صاقط على الجيب ( متجاوز ) تلقاه ماسط الطبلون يمشي 45كم/سا

ومن قده … كانت الجيب للضعوف ومستعملها قبله 7 او 9 اشخاص على الاقل

صور قديمة للرياض Ryadh_zmaan15

اهااااااااااا من اهم معالم الرياض…

مجرى البطحاء

حدث مرة في عام 1388هـ ان امتلأ بمياه الامطار وشاهدته شخصيا

هذا المجرى اعزكم الله هو الصرف الصحي ومكشوف طبعا

زي ما تشوف) >> مطلع اغنية

المجرى ازيل واستغل طريقا نتيجة للتطور والزحمة في

الشوارع كنا نعبر للجهة الاخرى عن طريق السير على المواسير

الموجوده شرط خلع الحذا … وبعضنا وش يخلع .. اصلا جاي

حافي يا كافي

صور قديمة للرياض Ryadh_zmaan16

سوق شعبي قديم

ايه سوق شعبي قديم !!!

هذا سوق الخضرة بالديرة

صور قديمة للرياض Ryadh_zmaan17

وين هالمسيره النسوية ؟!!!

اخر وحده عليها مخالفة رفع العباية … وحتى ما تنتقد من الجميع لزمت آآآآخر المسيرة

شكلهم رايحين للمتنفس الوحيد تلك الفترة انه المستوصف

صور قديمة للرياض Ryadh_zmaan18

إحدى الأعياد

صور قديمة للرياض Ryadh_zmaan19

هااااااذي شكلها بالأحساء وابو سيكل هذا شكله سواق بعد

صور قديمة للرياض Ryadh_zmaan20

اما الغسيل هنا !!!!

قمة استغلال الموارد توفير وغسيل كفرات

صور قديمة للرياض Ryadh_zmaan22

قيصرية اشيقر او اوشيقر… واليماني اللي كأنه نابليون هذا يبيع جرايد

صور قديمة للرياض Ryadh_zmaan24

انتهى التعليق من اخيكم سليمان وسامحوني

من حرصي على المعالم القديمة تحمست

*********************************
*********************

» صور قديمة تم تلوينها ..!!